Jab dil ko kuch samajh na aaye ya kuch aur chahe……………
Kabhi-kabhi koi insaan jisko tume jaante te tak nahi the woh bahut importantortant ban jaata hai .. matlab aisa hota hai na ki hume khud samajh nahi aata ki yeh hoo q raha hai ,woh agar pooch le (fikr mai) tum theek toh ho na . then aaye haaye bilkul mann kush hoo jaata hai .orr tab ek questiontion aata hai , yeh sirf dosti hai yaa tumhare liye kuch orr
Roz usse baat karna . ek-dusre ki fikr karna , apni problems share karna theek hai but woh apni family problems share karne lag jaati/jaata hai .tension mai ek dusre ko samajhna ya samjhana , orr kabhi kabhi bina kuch kahe saamne wale ka mood samajh aa jaana ..
Phir ek question baar baar dimaag mai aane lagta hai
Kya woh bhi mere liye wahi feel karti hai joo shayad mai uske liye karta hu.
Aur yehin se one-sided love ki uljhan shuru hoo jaati hai
Samajhte hain…….
Jab dosti bahut special ho jaaye ❤️
One-Sided Love hamesha aisa nahi hota ki samne wala tumhe ignore karta hooo. Kabhi samne wala tumhari bahut care karta hai . tumse roz baat karta hai . tumhari problems sunta hai . tumhe advice deta hai. Tumhari khushi or pareshani dono mai tumhare saath rehta hai
Abb dikkat kaha aati hai
Tum hai na , har cheez notice krte hoo
Uska reply
Uska message
Uska mood
Uska first text karna ya na karna
Orr kabhi kabhi ek simple sa ‘take care’ bhi tumhare liye bahut kuch ban hee jaata hai , body mai kuch gudgudi si se feel hota hai ….
One-Sided Love hai na khushi aur dukh dono bahut deta hai …..
Abb dikkat kaha aati hai jab uska pehla text nahi aata , lekin tumhe yeh baat bhi dimaag mai rakhni hogi ki uska nature kaisa hai, uske past mai kya hua, kya situations rahi hongi , orr sirf issi dil ke mamle main nahi har maamle kabhi uska point of view bhi dekhna
Kya care ka matlab love hota hai … ….
Samjho .. or haa please practically …
Zaroori nahi
Kisi ka tumhari care karna genuinely special hoo sakta hai , lekin iska matlab automatically romantic feelings nahi hota… tum bhi kisi apne dost ki care krte hoga na uss point of view se dekho
Suno… hoo skta hai woh tumhe apna achha dost maanta hoo
Hoo skta hai woh emotionally comfortable feel karta hoo
Yeh bhi hoo sakta hai uske dil mein kuch hoo
Orr ek reason yeh kya pata woh bhi tumhare tarah hee confuse hoo….
Abb yeh jo feelings hai na isko samajhne k liye 1-2 moments nahi , poora pattern samajhna zaroori hai …
Sabse bada darr joo sabko lagbhag hota hai – Agar confess kiya orr dosti toot gayi phir ….?
Abb yeh hai na sabse painful question hai , sahi kaha na (maine bhi feel kiya hai )
Baat yeh hai na ki feelings hai but saamne wale ko khona nahi chahte , jitna hai phir shayad woh bhi na bache …
Tum sochte kya hoo samjhoo :
Agar maine bol diya orr usne same feel nahi kiya toh ..?
Kahi woh mere se baat karna hee na chod de ..?
Kahi humari dosti awkward na ho jaaye ..?
Lekin yrr confess nahi kiya toh bhi toh chali jaayegi na ..?
Yeh darr hai na bilkul real hai …
Abb ek orr chiz bhi toh samjhana zaroori hai
Mai btau apne experience se toh kabhi kabhi feelings chhupakar bhi rekhna andar hi andar tumhe hurt karta hai
Isliye confession ka decision is basis par nahi hona chaiye ki – mujhe bas apni feelings bolni hai
(confused kar raha hu na poora padho )
Yeh bhi sochna :
kya mai uske answer ko accept kar paaunga :- even if the answer isn’t what I want
agr aswer no hai , toh shayad pahele apne emotions ko thoda samjhana zaroori hai
Wait karun ya move on kar loon ….???
Abb iska hai na koi universal answer nahi hai
Lekin ek difference samjhte hai (tumhe help milegi)
Wait karna tab tak healthy hota hai , jab tumne saamne wale ko space de rahe hoo or apni life bhi jee rahe hoo
Wait karna unhealthy ho jaata hai jab tumhari poori life uske ek message, ek call ya ek signal prr depend karne lage .
Tume apni feelings rekh skte hoo..
Tum hope bhi rekh sakte hoo
Lein apni life ko pause prr mt rakho
Agar confess karna ho toh ?
Pahle yeh samjhana confession ka matlab kisi ko convince karna nahi hota
Bss apni sachchai respectfully rekna hota hai
Orr pata hai kabhi kabhi clarity bhi healing ka bahut bada part hai
Dil Samjho ki baat (joo meri baat hai)
Agar tum kisi se one sided love karte hoo , toh apni feelings ke liye khud ko stupid mat samjho..
Kisi ko genuinely pasand karna bilkul galat nahi hai….
Uske saath future imagine kar lena bhi galat baat nahi h yaar (pyaar hone ke baad yeh sab normal hai )
Just remember one thing-
Tumhara pyaar tumhari responsibility hai ; saamne wale ki feelings tumhari guarantee nahi hai
Uss se pyaar karo lekin uski choice ki respect ke saath (sorry yrr keh dena aasan hai but reality yehi hai )..
Uska wait karo lekin apni zindagi ko rok kar nahi..
Aur agar kabhi confess karo, toh jawab paane k liye nahi- apne dil ke saath honest hone k liye (thoda halka bhi lagega )
Kyuki kabhi kabhi one sided love ka sabse bada lesson yeh nahi hota ki ‘woh mila ya nahi’
Lesson yeh hota hai ki:-
Maine kisiko dil se chaha(bahut chaha) orr phir bhi apne aap ko khona nahi seekha”
**“Ek Tarfa Mohabbat”**
Tumhe paana zaroori toh nahi tha,
Bas tumhe chahna hi kaafi tha…
Tum meri kismat mein nahi thi,
Phir bhi tumhe apni duaon mein rakhna kaafi tha.
Tum kisi aur ke saath khush raho,
Toh dil ko thoda dard hota hai…
Par sach kahun,
Tumhari khushi dekhkar
Mera dil phir bhi muskura deta hai.
Maine kabhi tumse kuch maanga nahi,
Na tumhara waqt, na tumhara pyaar…
Bas door rehkar bhi
Tumhe apna samajhta raha,
Aur isi ehsaas ko
Mohabbat kehta raha.
Shayad meri kahani ka
Koi khoobsurat anjaam nahi hoga,
Par tumse hui mohabbat ka
Kabhi koi gila bhi nahi hoga.
Kyunki kuch mohabbatein
Milne ke liye nahi hoti…
Bas humein yeh sikhane aati hain
Ki kisi ko dil se chahna bhi
Ek khoobsurat ehsaas hota hai. ❤️
-DEVANSH SHARMA
