Har kareebi rishta mohabbat nahi hota… some bonds are simply too close to the heart.
Har Close Connection Mohabbat Nahi Hota
Jab do log bahut close hote hain, ek-dusre ki fikr karte hain, roz baat karte hain aur bina kuch kahe bhi ek-dusre ko samajh lete hain, (mtlb relationship main nahi hai lekin bahut jyda close hai ), toh log aksar unke rishte ko ek naam dene lagte hain.
“Tum dono relationship mein kyun nahi ho?”
Logo ko jyda fikr hai
Lekin kya har close friendship ka end relationship hona zaroori hai?
Shayad nahi.
Dosti Bhi Bahut Gehri Ho Sakti Hai
Kabhi-kabhi hum kisi insaan ke bahut kareeb hote hain, lekin iska matlab yeh nahi hota ki hum usse mohabbat karte hain. Kisi ki care karna, uski problems sunna, uske bure waqt mein uske saath khade rehna aur usse apni life ka important part samajhna… yeh sab sirf relationship mein hi nahi hota.
Dosti mein bhi bahut gehra connection ho sakta hai. Agar meri baat abhi bhi samajh nahi aa rahi ho, toh aise samjho— aapke aur bhi friends honge na? Unke liye aisa kyun nahi? Bas farq itna hai ki unke saath dosti thodi kam deep hai…
Har Connection Ko Love Samajhna Zaroori Nahi
Problem tab shuru hoti hai jab hum har connection ko love samajhne lagte hain. Maybe aaj-kal ki society ki wajah se.
Agar do log bahut baat karte hain, ek-dusre ke saath comfortable hain ya unke beech ek alag si understanding hai, toh iska matlab yeh zaroori nahi ki unke beech romantic feelings bhi hain.
Har close bond ko relationship ka naam dena zaroori nahi. Aur yeh baat aap tab aur achhe se samjhenge, jab aap uske aur apne—dono point of view se soch kar dekhenge. Try karke dekhna.
Jab Dosti Mein Feelings Aa Jaati Hain
Lekin kabhi-kabhi kahani thodi alag bhi hoti hai.
Ek friend ke dil mein feelings aa jaati hain aur doosra friend use sirf apna dost samajhta hai.
Yahin se confusion shuru hota hai.
Jo baatein pehle normal lagti thi, unmein meaning dikhne lagta hai. Ek late reply hurt karne lagta hai. Kisi aur ke saath unki friendship achhi lage toh jealousy hone lagti hai. Aur dheere-dheere dosti se zyada expectations badhne lagti hain. Orr jab yeh expectations badhti hai na toh Dost kahanai poori badalne lagti hai , Pahele aap jis baat prr gussa nahi hote the shyad abb aapko uss baat prr gussa aane lage … who tumhari feeling q nahi samaj paa rahi iss bat se mood off hone lage (orr bhi bahut see situations .. (aap home page prr apni story bhi share kar skte hai, Mai personally dekhunga)
Feelings Galat Nahi, Expectations Sambhalna Zaroori Hai
Feelings aa jaana galat nahi hai. You know… dil jiske liye dhadakna hota hai, kabhi-kabhi usi ke liye dhadakne lagta hai.
Galat tab hota hai jab hum apni feelings ke badle saamne wale se wahi feelings expect karne lagte hain. After all, zaroori toh nahi na ki uske dil mein bhi exactly same feelings ho.
Agar kisi ne humein apna dost maana hai, toh uski feelings ko bhi utni hi importance deni chahiye jitni hum apni feelings ko dete hain.
Mohabbat ho ya dosti, kisi bhi rishte ki sabse important cheez respect hoti hai.
Kya Ladka-Ladki Sirf Dost Ho Sakte Hain?
Har opposite gender friendship ko relationship ke angle se dekhna bhi zaroori nahi hai.
Kabhi-kabhi ek ladka aur ek ladki genuinely achhe dost ho sakte hain. Unke beech care ho sakti hai, trust ho sakta hai, emotional support ho sakta hai… bina iske ki unhe relationship mein hona hi chahiye. Like Aditi, iykyk.
Kuch rishte isliye khoobsurat hote hain kyunki un par koi unnecessary expectation nahi hoti.
Rishte Ko Naam Dene Ki Jaldi Kyun?
Hum aksar rishte ko naam dene ki jaldi mein uski khoobsurti khatam kar dete hain.
Humein lagta hai ki agar koi itna close hai, toh woh humara hona chahiye.
Lekin kisi ka close hona aur kisi ka humara hona… dono alag baatein hain.
Isko kabhi akele baith kar sochna… phir bhi samajh na aaye, toh humari Insta ID par DM karna: @dilsamjhoo
Agar Feelings Ho Jaayein Toh Kya Karein?
Agar aapko kisi close friend ke liye feelings ho gayi hain, toh pehle khud se ek sawaal poochna chahiye—
“Kya main usse isliye chahta hoon kyunki woh mujhe samajhta hai, ya isliye kyunki main usse apna banana chahta hoon?”
Kabhi-kabhi iska jawab hi humein apni feelings samajhne mein help kar deta hai.
Saamne Wale Ki Choice Ki Respect Karna
Aur agar saamne wala relationship nahi chahta, toh uske decision ko accept karna bhi pyaar ka ek mature form hai.
Har baar kisi ko paana hi zaroori nahi hota. Sometimes, letting go is also a form of love.
Kabhi-kabhi kisi ko samajhna, uski choice ki respect karna aur bina kisi pressure ke uske saath rehna bhi bahut badi baat hoti hai.
Har Close Friendship Ka End Relationship Nahi Hota
Isliye har close friendship ka end relationship hona zaroori nahi hai.
Kuch log humari life mein partner banne ke liye nahi, balki humari life ko thoda behtar banane ke liye aate hain.
Kuch logon ke saath hum apni sabse achhi baatein share karte hain, kuch ke saath apna dard… aur kuch ke saath bas khamoshi bhi comfortable lagti hai.
Har aise rishte ko mohabbat ka naam dena zaroori nahi.
i.
DilSamjho — Ek Chhoti Si Baat
Har woh rishta jo dil ke kareeb ho, zaroori nahi ki woh mohabbat ho.
Kuch rishte bas isliye khaas hote hain kyunki unmein koi demand nahi hoti, koi zabardasti nahi hoti… bas understanding hoti hai.
Isliye agar koi aapka bahut close hai, toh zaroori nahi ki woh aapka partner bhi ho.
Kabhi-kabhi kisi ko apni zindagi mein ek khoobsurat dost ki jagah dena hi us rishte ki sabse khoobsurat choice hoti hai.
Dil mein koi uljhan hai? Toh yahan suljhaiye.
Har kareebi rishta mohabbat ho, zaroori toh nahi,
Har khamoshi mein koi chahat ho, zaroori toh nahi.
Kuch log bas dil ke bahut kareeb hote hain,
Unhe apna banane ki chahat ho, zaroori toh nahi.
Dosti mein bhi toh ek khoobsurat ehsaas hota hai,
Har ehsaas ka naam mohabbat ho, zaroori toh nahi.
Kisi ko samajhna bhi toh ek rishta hai,
Har rishte ka anjaam relationship ho, zaroori toh nahi. ❤️
-Devansh Sharma
